Kryeministri Edi Rama dhe ditën e sotme ka uruar ndjekësit e tij ‘Facebook’ në për një ditë të mbarë.
Numri një i qeverisë ditën e sotme ka zgjedhur foto që vijnë nga Vlora pikërisht nga rruga e Pyllit të sodës, që vetë vlonjatët e quajnë si ‘rruga e veshkave dhe syve’.
Mes të tjerash Rama theksoi se po vijon projekti i transformimit të kësaj zone në një hapësirë të re turistike.
MESAZHI I RAMËS
MIRËMËNGJES
dhe ju uroj një ditë të mbarë me këto foto nga Rruga e Pyllit të Sodës në Vlorë, ose siç u pagëzua nga vlonjatët në vite, rruga e veshkave dhe syve për shkak të gropave të pafundme e të errësirës që shpon sytë, e cila sot po rindërtohet jo vetëm për të shpëtuar veshkat e sytë e vlonjatëve, po edhe për të vijuar projektin e transformimit të asaj zone në një hapësirë të re turistike ku do të zgjatet edhe pjesa perëndimore e Lungomares
